|
Hestamannafélagið Skuggi Velkomin á heimasíðu hestamannafélagsins Skugga í Borgarnesi. |
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Fréttasíða - fréttir og tilkynningar 3.9.2010StóðréttirMargir hafa gaman að því að fara í stóðréttir, kaupa einhvern vonarpening eða bara sýna sig og sjá aðra. Hér er listi yfir hrossaréttir í haust. Eins og listinn ber með sér er talsvert framboð af skemmtun að þessu tagi. Listinn er tekinn af bondi.is. Miðfjarðarrétt í Miðfirði, V. - Hún. laugardag 4. sept. kl. 8-9 Silfrastaðarétt í Blönduhlíð, Skag. sunnudag 12. sept. um kl. 16 Skarðarétt í Gönguskörðum, Skag. laugardag 18. sept. kl. 12-13 Staðarrétt í Skagafirði. laugardag 18. sept. um kl. 16 Skrapatungurétt í A.-Hún. sunnudag 19. sept. Hlíðarrétt við Bólstaðarhlíð, A.-Hún. sunnudag 20. sept. síðdegis Deildardalsrétt í Skagafirði föstudag 24. sept. kl. 13 Árhólarétt í Unadal, Skag. föstudag 24. sept. kl. 13 Auðkúlurétt við Svínavatn, A.-Hún. laugardag 25. sept. síðdegis Laufskálarétt í Hjaltadal, Skag. laugardag 25. sept. kl. 13 Undirfallsrétt í Vatnsdal, A.-Hún. laugardag 25. sept. kl. 10 Þverárrétt í Vesturhópi, V.-Hún. laugardag 25. sept. um kl. 13 Þverárrétt ytri, Eyjafjarðarsveit laugardag 2. okt. kl. 10 Tungurétt í Svarfaðardal, Eyf. laugardag 2. okt. kl. 10 Flókadalsrétt, Fljótum, Skag. laugardag 2. okt. kl. 13 Víðidalstungurétt í Víðidal, V.-Hún. laugardag 2. okt. kl. 10 Melgerðismelarétt í Eyjafjarðarsveit laugardag 2. okt. kl. 13 12.8.2010Skráning á ÍslandsmótÍslandsmótið í hestaíþróttum verður haldið að Sörlastöðum Í Hafnarfirði dagana 25.-28. ágúst. Hér birtast nokkrir punktar um framkvæmd mótsins. Skráning fer fram hjá aðildarfélögum LH sem auglýsa skráningu hjá sér. Síðasti skráningardagur er 16. ágúst (félög skrá í sportfeng, mótsnúmer er IS2010SOR054). Aðildarfélögin sjá svo um að leggja á inn á reikning 0135-26-002870, kt. 640269-6509 og senda staðfestingu á brs2@hi.is auk þess sem þau senda upplýsingar um hvern og einn keppanda á sama póstfang. Það sem koma þarf fram með hverri skráningu er: Nafn og kennitala keppanda, IS númer hests, keppnisgrein. Skráningargjald er 4.000 krónur Keppendum stendur til boða að fá hesthúspláss með heyi og spæni nálægt keppnisvelli. Þeir sem vilja nýta sér það hafi samband í síma í síma 698-3168 fyrir 20. ágúst. Engin einkunnalágmörk eru á mótið. Framkvæmdanefnd ÍM 3.8.2010FaxagleðiFaxagleði og Gæðingakeppni (með sérstakri forkeppni þar sem tveir til þrír verða inná vellinum í einu) verður haldin á Mið-Fossum í Andakíl laugardaginn 7.ágúst.Ef þátttaka verður mikil er hugsanlegt að mótið verði sett á tvo daga. Eftirtaldar greinar eru á dagskrá: A-flokkur, B-flokkur, ungmennaflokkur, unglingaflokkur og barnaflokkur. Skráning í gæðingakeppnina á netfangið bjorgm@vesturland.is og í síma 856-2734 Þórdís. Skráningargjöld eru 2500 kr í A-flokk, B-flokk og ungmennaflokk en 1500 kr í unglingaflokk og barnaflokk og skulu þau greidd inná reikn. 0326-26-5300 kt.530169-0659 . Senda kvittun fyrir greiðslu á bjorgm@vesturland.is. Skráningu lýkur miðvikudaginn 4.ágúst kl.19:00. Firmakeppni Faxa, keppt er í eftirtöldum flokkum: Pollaflokki Barnaflokki Unglingaflokki Kvennaflokki Karlaflokki Kappreiðar: 150 m skeið 250 m skeið 300 m brokk 300 m stökk. Eftir kappreiðar verða leikir og grill við reiðhöll. 31.7.2010Úrslit hestaíþrótta á ulm.
31.7.2010Myndir af verðlaunahöfumKomnar eru inn myndir sem teknar voru við lok úrslita í dag og síðan við verðlaunaafhendingu kl. 14 við Íþróttamiðstöðina. Niðurstöður úrslita í morgun verða birtar eins fljótt og hægt er. 30.7.2010Unglingalandsmótið - forkeppniÞá er lokið forkeppni í hestaíþróttum á Unglingalandsmóti. Mótið gekk vel fyrir sig í aldeilis frábæru veðri. Úrslit fara fram á morgun, laugardag, og hefjast kl. 10 á fjórgangi barnaflokks. Hér er að finna einkunnir keppenda í forkeppni en í einhverjum tilfellum er ekki réttur hestur á bak við einkunnina því í nokkrum tilfellum þurftu þátttakendur að skipta um hesta t.d. v. hóstapestar. Þetta verður yfirfarið betur eftir að móti lýkur. Ef einhver hefur tekið myndir meðan á forkeppni stóð væri okkur fengur í því að fá sendar nokkrar. 29.7.2010Endurskoðaðir ráslistarBúið er að gera smávægilegar breytingar á ráslistum í fjórgangi barnaflokks og í tölti unglinga. Eru þeir vonandi réttir undir tenglunum í fréttinni hérna fyrir neðan. 28.7.2010Unglingalandsmót - ráslistarHér er hægt að skoða röð þeirra þátttakenda sem taka þátt í hestaíþróttakeppni Unglingalandsmótsins á föstudag og laugardag. Forkeppnin hefst kl. 11 á föstudag og er röð keppnisgreina eftirfarandi: Ef einhverjir sjá villur í þessu þá endilega láta vita með því að senda póst á sérgreinastjórann - Það er ljóst að mikið verður um að vera í Borgarnesi um verslunarmannahelgina - aldrei hafa skráðir þátttakendur á unglingalandsmóti verið fleiri og því má reikna með að íbúafjöldi Borgarness margfaldist. Mótshaldarar munu kappkosta að mótið gangi vel og snurðulaust fyrir sig og vænta þess að allir komi til með að eiga skemmtilega daga hér í Borgarnesi. 27.7.2010Hestaíþróttir á UnglingalandsmótiNú er búið að taka saman skráningar þeirra sem taka þátt í hestaíþróttum á Unglingalandsmótinu sem byrjar núna á föstudaginn. Eru þær 56 samtals og skiptast þannig: Fjórgangur barnaflokkur 13 Fjórgangur unglingaflokkur 16 Tölt barnaflokkur 12 Tölt unglingaflokkur 15 Forkeppni hefst kl. 11 á föstudag og verður væntanlega lokið kl. 15 - 15.30. Úrslit fara síðan fram á laugardaginn milli kl. 10 og 12. Verðlaunaafhending fer svo fram á aðalvelli við íþróttamiðstöðina kl. 14. Ráslistar birtast hérna á morgun, miðvikudag. 27.7.2010Sumarferð barna og unglinga 12 ára og eldriÆskulýðsnefnd auglýsir síðsumarferð fyrir börn og unglinga, 12 ára og eldri 7. og 8. ágúst ef næg þátttaka næst. Farið verður upp í Álfthreppingakofa og gist þar aðfararnótt sunnudags. Þátttöku þarf að tilkynna fyrir kl. 22 þriðjudaginn 3. ágúst.Þátttaka tilkynnist til Auðar Ástu s. 699-1779 eða á netfangið dila@simnet.is. Hún veitir einnig nánari upplýsingar. 26.7.2010Skráning á Íslandsmót yngri hestamannaÞeir Skuggafélagar sem ætla að skrá sig til þátttöku á Íslandsmóti yngri hestamanna sem haldið verður á Hvammstanga 12. - 15. ágúst eru beðnir um að senda upplýsingar um sig og hest sinn til Auðar Ástu Þorsteinsdóttir en skráningu lýkur þann 29. júlí. 26.7.2010Flugeldasýning á UnglingalandsmótiRétt er að vekja athygli hesteigenda á því að á sunnudagskvöld, kl. 22:45 verður mikil flugleldasýning á Kárastöðum í tilefni af lokum Unglingalandsmóts. Verður hér um mikið sjónarspil að ræða með tilheyrandi braki og brestum. Því er rétt að hafa góða gát á hrossum sem eru á beit í nálægum beitarhólfum en eins og kunnugt er fælast hross auðveldlega í svona látum. 22.7.2010Íslandsmót yngri hestamannaÍslandsmót barna, unglinga og ungmenna í hestaíþróttum fer fram á Hvammstanga 12. til 15. ágúst nk. Skráning fer fram hjá aðildarfélögum LH og er síðasti skráningardagur 29. júlí. Upplýsingar um það hvert Skuggafélagar senda skráningar birtast hérna á síðunni fljótlega. Keppnisgreinar á mótinu eru:
Formaður mótanefndar er Sigrún Þórðardóttir s. 660-5826 og veitir hún allar nánari upplýsingar. Umsjónarmaður keppnishrossa er Steinbjörn Tryggvason s. 893-5070 Tjaldsvæðið í Kirkjuhvammi verður með tilboð fyrir mótsgesti Íslandsmóts en vert er að geta þess að Útilegukortið gildir ekki þessa vikuna. 20.7.2010Frá stjórn UMSBFréttatilkynning frá UMSB UMSB greiðir þátttökugjöld fyrir félagsmenn sína á Unglingalandsmóti UMFÍ næstkomandi Verslunarmannahelgi ! Á stjórnarfundi UMSB var ákveðið að Ungmennasamband Bprgarfjarðar greiðir þátttökugjald fyrir ungmenni, 11 - 18 ára sem eru félagar í aðildarfélögum sambandsins. Þetta er gert til að hvetja ungmenni til þátttöku nú þegar þetta sívinsæla mót er haldið hér heima í héraði. Mikil hefð er komin fyrir glæsilegri skúðgöngu sem fram fer á föstudagskvöldinu. Við sem gestgjafar ætlum að sjálfsögðu að vera með fjölmenna skrúðgöngu og minnum á að þar eiga allir að vera í UMSB göllum. Stjórnin hvetur unglinga til að skrá sig til leiks á umsb@umsb.is Þetta netfang er varið fyrir ruslrafpósti, þú þarft að hafa Javascript virkt til að skoða það og skoða heimasíðu mótsins ulm.is Það er mikilvægt að skrá sig í gegnum UMSB til fá þátttökugjaldið greitt. Hlökkum til að verja Verslunarmannahelginni með ykkur Stjórn UMSB.
15.7.2010Reiðmaðurinn - 2. ára námLandbúnaðarháskóli Íslands á Hvanneyri auglýsir nú tveggja ára nám í hesta - og reiðmennsku. Er það metið til 33 framhaldsskólaeininga sbr. handbókina um námið sem er aðgengileg hér á síðunni sem og á heimasíðu Landbúnaðarháskólans. Er hér kominn raunhæfur möguleiki fyrir áhugasama til að efla sig sem hesta - og reiðmenn. 15.7.2010Íslandsmót barna - og unglingaNú fer senn að hefjast skráning á Íslandsmót barna - og unglinga sem haldið verður á Hvammstanga 12. - 15. ágúst. Skuggafélagar sem hafa hug á því að skrá sig til þátttöku eru vinsamlega beðnir um að senda tilkynningu þar um til formanns æskulýðs - og fræðslunefndar, Auðar Ástu sem allra fyrst. Ástæðan er sú að við höfum verið beðin um að gera e.k. forkönnun áður en eiginleg skráning hefst. 15.7.2010Íslandsmót fullorðinnaTilkynning frá framkvæmdanefnd ÍM2010 Íslandsmótið í hestaíþróttum verður haldið að Sörlastöðum Í Hafnarfirði dagana 25.-28. ágúst. Hér birtast nokkrir punktar um framkvæmd mótsins. Skráning fer fram hjá aðildarfélögum LH sem auglýsa skráningu hjá sér. Síðasti skráningardagur er 16. ágúst. Skráningar berist til Stefáns Loga fyrir lok skráningarfrests en þátttakendur verða sjálfir að standa skil á skráningargjaldi. Skráningargjald er 4.000 krónur Leggja á inn á reikning 0135-26-002870, kt. 640269-6509 og senda staðfestingu á brs2@hi.is Keppendum stendur til boða að fá hesthúspláss með heyi og spæni nálægt keppnisvelli. Þeir sem vilja nýta sér það hafi samband í síma 698-3168 fyrir 20. ágúst. 6.7.2010Unglingalandsmót Vakin er athygli á því að skráningar á Unglingalandsmótið sem haldið verður hér í Borgarnesi um verslunarmannahelgina hefjast 12. júlí og lýkur 23. júlí. Allar upplýsingar um mótið er að finna á heimasíðu þess og er skráningarformið þar að finna. Slóðin á heimasíðuna er http://www.umfi.is/unglingalandsmot/. Skv. drögum að tímaseðli fer forkeppni fram á föstudegi og hefst hún kl. 11en síðan verða úrslit riðin á laugardag. 5.7.2010Worldfengur, aðgangur.Nýtt áskriftarár fyrir Worldfeng tók gildi um mánaðarmótin maí - júní. Allir skuldlausir félagsmenn Skugga sem áhuga hafa, geta fengið aðgang að Worldfeng. Þeir félagsmenn sem voru með aðgang síðasta ár og hafa nú þegar greitt félagsgjöld 2010 fá áframhaldandi aðgang en hins vegar verður lokað fyrir aðgang þeirra sem ekki hafa greitt félagsgjöld 2010. Þeir sem vilja sækja um nýjan aðgang skulu senda tölvupóst á gjaldkera, arnarmg@simnet.is 3.7.2010Síðsumarsferð SkuggaNú líður senn að því að hestamenn söðli hesta sína (þá sem heilbrigðir eru) og skelli sér í hina árlegu síðsumarsferð Skugga. Ferðanefnd hefur útfært nánar áætlunina sem kynnt var á heimasíðunni fyrir nokkru. Ferðahelgin er semsagt 13. - 15. ágúst og er áætlunin sem hér segir: Föstudagur 13. ágúst. Lagt af stað frá hesthúsahverfi Skugga kl. 10 árdegis og haldið sem leið liggur að Haukatungu þar sem hestar verða í girðingu. Gisting er í Lindartungu. Þetta er 6 - 8 tíma ferð. Laugardagur 14. ágúst. Lagt af stað frá Haukatungu kl. 11. Riðið út að Haffjarðará og upp með henni eftir veiðivegi að Höfða. Þaðan er riðið niður hjá Rauðamel og til baka að Haukatungu. Þetta er létt leið og ekki löng, 23 - 25 km. Þennan dag verður ekki rekið. Sunnudagur 15. ágúst. Haukatunga - Borgarnes, brottför ekki seinna en um hádegi. Við það er miðað að hægt sé að koma inn í ferðina á hvaða stigum sem er. T.d. koma á föstudagskvöld með hrossin í kerru og gista með glöðum hópi í Lindartungu aðfararnótt laugardags, nú eða koma að morgni laugardags og taka þátt úr því. Kostnaði verður stillt í hóf eins og hægt er. Gisting er kr. 2.000.- pr. nótt og gjald fyrir hest er kr. 250 pr. sólarhring. Ferðanefnd mun bjóða upp á matarmikla súpu á föstudagskvöld og síðan hafragraut og brauð á morgnana. Að öðru leyti þurfa þátttakendur að nesta sig sjálfir. Reikna má með 1.000 - 1.500 kr. kostnaði vegna þessa. Kveikt verður upp í grilli á laugardagskvöld svo upplagt er að hafa eitthvað til að skella á það. Eins þarf að hafa eitthvað til að sofa við en dýnur eru á staðnum. Tilkynna þarf þátttöku ekki síðar en 10. ágúst til Maríu í s: 698-4338, marey@simnet.is eða til Kristjáns í s: 898-4569, kristgis@simnet.is . Nú er bara að vona að hrossin verði heilbrigð svo komast megi í ferðina og ekkert að því að bjóða með sér gestum. Ferðanefnd Skugga 30.6.2010Hestamannamót StormsFélagar okkar á Vestfjörðum láta fátt trufla sig. Hestamannamót Storms fer fram á Söndum í Dýrafirði 16. og 17. júlí n.k. Rétt til þátttöku hafa allir knapar sem skráðir eru í félög innan LH. Föstudaginn 16. júlí kl. 15:00 hefst forkeppni í A og B flokkum gæðinga, barna, unglinga, ungmennaflokkum og gæðingatölti. Kl. 20:00 hefst kvöldvaka í Reiðhöllinni. Setning Hestamannamóts Storms 2010, keppni í fljúgandi skeiði, liðakeppnin ,,Sandariddararnir 2010" o. fl. Grín og glens fyrir alla fjölskylduna. Laugardaginn 17. júlí kl. 12:00 hefst dagskráin á hópreið hestamanna og að henni lokinni verður keppt til úrslita í öllum flokkum. Einnig verður keppt í 300m brokki, 300m stökki og 250m skeiði. Þegar úrslit liggja fyrir verður farið í útreiðartúrinn góða. Allir hestfærir velkomnir með. Um kl. 20:00 verður slegið upp grillpartý í Reiðhöllinni. Heitt grill á staðnum. Tekið verður við skráningu keppnishrossa til kl. 21:00 að staðartíma þann 13. júlí á netfangið valdie@snerpa.is eða í síma 864-7676, Sonja. Gefa þarf upp kennitölu knapa og IS númer keppnishrossa. Skráningar gjald er kr. 1.000,-- pr. hross og greiðist inn á 1128-05-1908, kt. 600783-0259. Skráningar í fljúgandi skeið og í ,,Sandariddararnir 2010´´, skal skila á netfangið nannabjork@simnet.is eða í síma 895-0711, Nanna. Engin skráningargjöld! Liðstjórar ,,Sandariddara´´ eru beðnir um að hóa saman liðum sínum og gera sig klára fyrir kvöldvökuna. Gott tjaldsvæði er á Söndum og góð aðstaða fyrir aðkomu hross. Einn aðgöngumiði sem gildir á allt! Fullorðnir kr. 1.000,-- Börn á grunnskólaaldri kr. 500,-- Börn á leikskólaaldri, ókeypis aðgangur. Nánari uppýsingar um dagskrá hestamannamóts Storms munu birtast á http://stormur.123.is/ 22.6.2010Enn um veikinaEftirfarandi birtist í dag á vef Hestafrétta. Hestafréttir spurðu Sigríður Björnsdóttur útí flensuna og hvernig skal haga háttum.
15.6.2010Tilkynning frá beitarnefndBeitarnefnd
mun standa fyrir smölun á Borgargirðingunni n.k. laugardag, 19. júní, kl. 10:00
og eru félagsmenn sem eiga hross í girðingunni vinsamlegast beðnir að mæta við
hlið Borgargirðingarinnar á þeim tíma. Fyrirhugað er að smala hópnum uppí
hesthúsahverfi. 14.6.2010Unglingalandsmót í BorgarnesiEins og öllum er vel kunnugt um verður Unglingalandsmót UMFÍ haldið í Borgarbyggð nú um verslunarmannahelgina. Ein af þeim íþróttagreinum sem keppt verður í eru hestaíþróttir. Verður keppt í barnaflokki (11 - 13 ára) og unglingaflokki (14 - 18 ára) og keppt er í fjórgangi og tölti. Það er vonandi að börn og unglingar geti fljótlega farið að þjálfa fyrir þetta mót því tækifæri til að keppa gefast varla mörg á þessu sumri ef miðað er við framboð af mótum. Það væri virkilegt áhyggjuefni ef ekki verður hægt að halda glæsilegt mót um mánaðarmótin júlí - ágúst sökum hestapestar. Væntanlega verður þetta eina mótið sem haldið verður í Borgarnesi í sumar. 13.6.2010Frá vefstjóraAfar lítil virkni hefur verið undanfarnar vikur hér á þessari síðu. Ástæðan er auðvitað sú að lítið sem ekkert er að gerast hérna í hestamennskunni.Væri gaman að fá fréttir af því hvernig gengur, eru menn eitthvað farnir að ríða út? Allskonar útgáfur af veikindasögum eru í gangi og gera það að verkum að nánast enginn þorir að prófa. Nú eru senn liðnar 6 vikur síðan útreiðar hættu í Borgarnesi og enn virðast einhver hross vera með nefrennsli. En ef einhverjir luma á myndum frá viðburðum vetrarins sem þeir vilja deilla með öðrum þá endilega hafa samband við umsjónarmann - t.d. vantar alveg myndir úr karlrembureiðinni, sem var víst síðasti reiðtúr vetrarins. 5.6.2010BeitarhólfBeitarnefnd hefur ákveðið, með hliðsjón af góðu tíðarfari, að félagsmenn sem fengið hafa úthlutað beitarhólfum megi byrja að sleppa í sín beitarhólf frá og með morgundeginum (laugardag 05. júní 2010). Brýnt er fyrir hesteigendum að ganga þó vel úr skugga um að beit í þeirra hólfum sé orðin fullnægjandi fyrir þann fjölda sem þangað er sleppt og tryggja með heygjöf ef einhver vafi leikur þar á. Ítrekað er að hesteigendur eiga að vera búnir að klippa númer sitt í síður hrossanna, áður en sleppt er í beitarhólfin. kv. F.h. Beitarnefndar og stjórnar Skugga Stefán Logi Haraldsson 5.6.2010MótahaldTilkynning frá Mótanefnd Skugga. Mótanefnd Skugga vill koma því á framfæri við félagsmenn að vegna þeirra aðstæðna sem skapast hafa með "hesta-kvefpestinni" er öllum fyrirhuguðum mótum á vegum félagsins hér með aflýst. Ekki eru því fyrirhuguð nein mót á vegum félagsins fyrr en í byrjun næsta árs. kv. F.h. Mótanefndar Skugga Stefán Logi Haraldsson 4.6.2010GirðingarvinnaÁgætu Skuggafélagar Beitarnefnd og reiðveganefnd félagsins blása til átaks í girðingavinnu. Annarsvegar þarf að endurnýja og/eða setja upp nýjar beitarhólfsgirðingar og hins vegar að girða af nýjan reiðveg ofan Bjarnhóla. Óskað er eftir sjálfboðaliðum til þessa verks næsta mánudag, hinn 7. júní. Mæting er áætluð kl. 19:00 við Bjarnhóla. Hafið með ykkur verkfæri eins og hamar, töng, járnkarl, sleggju/staurahnall, skóflu og strekkjara eftir því sem því hafið yfir að ráða. Beitarnefnd Skugga Reiðveganefnd Skugga Flettingar í dag: 94 Gestir í dag: 18 Flettingar í gær: 481 Gestir í gær: 75 Samtals flettingar: 54853 Samtals gestir: 11023 Tölur uppfærðar: 4.9.2010 08:06:17 |
Vafraðu umclockhere Eldra efni Tenglar
 |
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||