Hestamannafélagið Skuggi

Velkomin á heimasíðu hestamannafélagsins Skugga.

Færslur: 2011 Ágúst

29.08.2011 15:33

Landsmótsnefnd á faraldsfæti

Á stjórnarfundi í Landssambandi hestamannafélaga þann 12. ágúst síðast liðinn, var ákveðið að landsmótsnefnd sú er stofnuð var haustdögum 2010, færi út í hestamannafélögin í landinu til að kynna skýrslu sína, niðurstöður og umfjöllunarefni og svara fyrirspurnum fundarmanna.

Nefndin, sem fjallaði  um landsmótin í nútíð og framtíð, mun hefja fundaherferðina á Akureyri föstudaginn 2. september n.k.  Daginn eftir yrðu svo fundir á Egilsstöðum og Höfn í Hornafirði.

Í kjölfarið eru fyrirhugaðir samskonar kynningarfundir á Suðurlandi, í Reykjavík, á Vesturlandi og Norðvesturlandi vikuna eftir. Nánari tímasetningar og dagsetningar verða auglýstar eftir helgi.

Hér má skoða skýrslu nefndarinnar í heild sinni. Stjórn LH hvetur alla hestamenn til að kynna sér innihald skýrslunnar og koma af stað málefnalegum umræðum á fundunum sem næst þeim verða haldnir.

Í nefndinni sitja eftirtaldir einstaklingar:

Sveinbjörn Sveinbjörnsson formaður, skipaður af LH

Birgir Leó Ólafsson, skipaður af LH

Stefán Haraldsson, skipaður af LH

Sigrún Ólafsdóttir, skipuð af BÍ

Kristinn Guðnason, skipaður af BÍ

Auk fulltrúa nefndarinnar mun Haraldur Þórarinsson formaður LH koma á fundina.

Með góðri kveðju,

Stjórn LH.

20.08.2011 22:49

LBHÍ - Frumtamning

Frumtamning er það kallað þegar við tökum að okkur að kenna hesti sem ekkert kann nema það sem hann hefur lært í lífsbaráttunni, af umgengni sinni við aðra hesta og menn, frá því að vera verndaður af móður sinni, upp í það að staðsetja sig af eigin rammleik í virðingarröð hestasamfélagsins. Við þurfum að hafa þetta allt í huga þegar við nálgumst slíkan hest og ætlum að byrja frumtamninguna, reyna að lesa í fortíðina sálina og eðli hans.

Í þessari námskeiðaröð verða kenndar þær aðferðir sem reynst hafa best til árangurs við fyrstu tamningu unghrossa. Samtvinnað verður aðferðum og æfingum úr reynslubanka Reynis Aðalsteinssonar og aðferðum sem byggja á vísindalegum athugunum atferlisfræðinga víða um heim. Þar á meðal reynum við að varpa ljósi á hvernig hesturinn skynjar hesturinn umhverfið og hvernig hann hugsar. Sá sem vill verða góður þjálfari verður fyrst að læra að skilja hvernig hestur hugsar.

Viðkomandi vinna með eigin hest og er kennt á föstudögum (kl. 13.00-19.00) og laugardögum (kl. 09.00-16.00) í fimm skipti (með fyrirvara um breytingar). Kennslan er blanda af verklegri þjálfun, sýnikennslu og fyrirlestrum.

Leiðbeinendur: Reynir Aðalsteinsson tamningameistari og Gunnar Reynisson, starfsmenn LbhÍ.

Stund og staður: 7.-8. október, 21.-22. október, 11.-12. nóvember, 2.-3. desember og 16.-17. desember í Hestamiðstöð LbhÍ á Miðfossum (um 15 x 40 mín kennslustundir).

Verð: 89.000 kr

Skráningar: endurmenntun@lbhi.is eða í síma 433 5000 (fram komi nafn, kennitala, heimili og sími).

Staðfestingargjald: Staðfesta þarf skráningu með því að millifæra 20.000 kr (óafturkræft) á reikninginn 354-26-4237, kt. 411204-3590. Senda staðfestingu á netfangið endurmenntun@lbhi.is

Skráningarfrestur til 30. september!

20.08.2011 22:27

Sýning í Faxaborg

Ákveðið hefur verið að halda Vesturlandssýningu í Faxaborg, Borgarnesi, laugardaginn 24. mars 2012.

Þar sem sýningin í apríl sl. þótti takast vel þykir full ástæða til þess að endurtaka leikinn. Nú er bara að merkja á dagatalið og taka daginn frá, ekki verður annað gert þennan dag. 


19.08.2011 14:52

Hesthúspláss til leigu

Til leigu veturinn 2011-2011 10-12 stíur (eins hesta) í hesthúsinu við reiðhöllina Faxaborg, Borgarnesi. Stíurnar eru lausar strax en leigutími er að lágmarki fimm mánuðir.

Leiguverð er 18.825 með vsk fyrir stíuna á mánuði (hey og spónn ekki innifalið). Áhugasamir hafi samband við Inga Tryggvason gsm 860 2181 eða á netfangið lit@simnet.is í síðasta lagi 30/9 2011.


16.08.2011 22:54

Kvennareið á Hvanneyri

Föstudaginn 19. ágúst verður farið í kvennareið frá Hvanneyri. Hittumst kl. 18:00 hjá gömlu nemendahesthúsunum. Allar konur velkomnar að mæta!
Þema kvöldsins er hefðarkonur! Notum nú hugmyndaflugið, við erum jú allar hefðarkonur hver með sínum stíl. Við byrjum á góðum reiðtúr í nágrenni Hvanneyris, tökum góðar pásur að hefðarkonusið og endum svo á að gæða okkur á léttum veitingum. Verði verður stillt í hóf en fer eftir þátttöku. Hámark kr. 2000,-
Skráning fyrir kl. 22 á miðvikudaginn 17. ágúst á netfangið eyglo.krossi@gmail.com eða í síma 857 0774 (Anna) eða 861 1661 (Helga).

05.08.2011 23:01

Frá ferðanefnd

Nú fer hver að verða síðastur að skrá sig í síðsumarsferðina í Álftanesfjörur!

Gott að fá upplýsingar um fjölda hrossa sem nýta munu  girðingu á staðnum.

Kostnaði haldið í algjöru lágmarki ca. 2.000,- en erfitt að áætla nákvæmlega áður en upplýsingar um fjölda er fyrir hendi.

Lagt af stað út í fjöru kl. 11.00 á laugardagsmorgun (háfjara um hádegið)

Hver sér um sig í mat og drykk.

Hægt að tjalda eða vera með aftanívagna til að gista í.

Sett verður upp WC.

Þáttaka tilkynnist til:

Björgvins í síma  8613399 eða kvistas123@simnet.is

Maju í síma 6984338 eða marey@simnet.is

Gullu í síma 8465151

Hittumst í fjöru

Ferðanefnd Skugga

05.08.2011 12:30

Síðsumarsferð Skugga

Ákveðið hefur verið að fara í Álftanesfjöru laugardaginn 13.ágúst

Girðing til staðar fyrir hrossin og aðstaða til að tjalda .

Lagt af stað í fjöru um kl. 11.00 laugardagsmorgun,( háfjara um hádegið).

Kostnaður í algjöru lágmarki. Tilkynna þarf þátttöku í síðasta lagi sunnudaginn 07. ágúst.

Nánari upplýsingar þegar nær dregur.

Þátttaka tilkynnist til:

Maju sími 6984338 eða marey@simnet.is

Björgvins sími 8613399 eða kvistas123@simnet.is

Gott að fá upplýsingar um hverjir ætla að nýta sér girðinguna (hrossafjölda).

Gullu sími 8465151 eða ammagulla@internet.is.

Ferðanefnd Skugga.

04.08.2011 15:54

Faxagleði 2011


Faxagleði 2011 verður haldin að Miðfossum, laugardaginn 6. ágúst 2011 og hefst kl. 13:00
Að vanda verður opin firmakeppni og kappreiðar. Í firmakeppni verður keppt í eftirtöldum flokkum:
Pollaflokki
Barnaflokki
Unglingaflokki
Kvennaflokki
Karlaflokki
Kappreiðar fara fram á eftir firmakeppninni, en skráningar fara fram á staðnum. Keppt verður í:
150 m skeiði
250 m skeiði
300 m brokki
300 m stökki
Eftir kappreiðar verður grlllað og farið í reiðleiki í höllinni líkt og bjór- og kóktölt og keppt í smala. Allir eru velkomnir ungir sem aldnir, félagsmenn sem og aðrir.

F.h. stjórnar Hestamannafélagsins Faxa
Gunnar Örn

03.08.2011 11:03

Reiðnámskeið í Söðulsholti

Mándaginn og þriðjudaginn 8-9 ágúst ætlum við að hafa reiðnámskeið fyrir börn /unglinga í Söðulsholti. Kennari verður Randy Holaker frá Skáney. Námskeiðið kostar 10.000, hver hópur verður tekin 2 x 45 á dag.

Skráning og nánari upplýsingar 8995625 / 8610175

Síðasti skráningardagur er á föstudaginn 5. Ágúst.

Iðunn og Dóri


  • 1
Flettingar í dag: 60
Gestir í dag: 25
Flettingar í gær: 212
Gestir í gær: 50
Samtals flettingar: 1407129
Samtals gestir: 172934
Tölur uppfærðar: 14.12.2017 02:25:22

Auglýsingar

Umsjón heimasíðu

Nafn:

Kristján Gíslason
clockhere

Tenglar

Flettingar í dag: 60
Gestir í dag: 25
Flettingar í gær: 212
Gestir í gær: 50
Samtals flettingar: 1407129
Samtals gestir: 172934
Tölur uppfærðar: 14.12.2017 02:25:22