Hestamannafélagið Skuggi

Velkomin á heimasíðu hestamannafélagsins Skugga.

Færslur: 2014 Október

29.10.2014 10:09

Íslandsmeistari í járningum

Félagi okkar í Skugga, Gunnar Halldórsson, varði Íslandsmeistaratitil sinn í járningum nú fyrir stuttu. Er hann sá fyrsti sem það gerir, þ.e. verða meistari tvö ár í röð. Til hamingju Gunnar með frábæran árangur.

29.10.2014 10:08

Árshátíð hestamanna að Laugum

Árshátíð að Laugum í Sælingsdal, 15. nóvember 2014
Folaldasýning Hrossaræktarsambands Dalamanna í reiðhöllinni í Búðardal kl. 11:00
Hótelgestir velkomnir að Laugum frá kl. 14:00
Söguganga kl. 15:30
Sundlaugin opin fyrir veislugesti kl. 17-19
Íþróttahúsið opið fyrir alls kyns sprikl
Borðtennis- og billjardaðstaða
Borðhald hefst kl. 20:00
Gunnar Björnsson, veislukokkur reiðir fram:
blandaða sjávarrétti á salatbeði í forrétt og lambafillet og kjúklingabringu í aðalrétt
Veislustjóri: Lárus Ástmar Hannesson
Skemmtiatriði
Hljómsveitin B4 frá Búðardal leikur fyrir dansi
Verð: 5.500 kr. fyrir mat og dansleik
Gisting: sjá www.gladur.is
Við pöntunum taka:
Eyþór Jón Gíslason, 898 1251, brekkuhvammur10@simnet.is
Þórður Ingólfsson, 893 1125, thoing@centrum.is
Pantið endilega sem fyrst en í síðasta lagi þriðjudaginn 11. nóvember
Athugið að ekki verða vínveitingar á staðnum
Undirbúningsnefndin í Glað

22.10.2014 13:23

Framboð til stjórnar LH

Framboð til sambandsstjórnar LH 2014 - 2016

 

Ákvörðun hefur  verið tekin um framhald þingfundar 59. Landsþings LH, laugardaginn 8. nóvember n.k. kl. 9:00 í E-sal á þriðju hæð í húsakynnum ÍSÍ og LH að Engjavegi 6.

 

Í ljósi þeirra aðstæðna sem uppi eru, lýsir kjörnefnd eftir framboðum til sambandsstjórnar LH til næstu tveggja ára.

 

Stjórnin skal skipuð sjö mönnum, formanni, varaformanni, ritara, gjaldkera og þremur meðstjórnendum.

Varastjórn skal skipuð fimm mönnum og taka þeir sæti í aðalstjórn í samræmi við atkvæðahlutfall.  

Formaður er kjörin sérstaklega og þarf meirihluta greiddra atkvæða. Náist ekki meirihluti við fyrstu kosningu skal kjósa á ný um þá tvo sem flest atkvæði hlutu. Ræður þá einfaldur meirihluti atkvæða.

Á fyrsta stjórnarfundi að afloknu landsþingi LH skal stjórn LH skipta með sér verkum, kjósa varaformann, ritara og gjaldkera úr hópi stjórnarmanna.

 

Kjörgengir í stjórn eru allir félagar í hestamannafélögum sem eru aðilar að LH.

 

Óskar kjörnefnd LH eftir því að framboð til stjórnar LH berist eigi síðar en á hádegi föstudaginn 7. nóvember 2014 til nefndarinnar.

Þar sem um framhaldsþing er að ræða er rétt að minna á að sömu kjörbréf gilda fyrir framhaldsfund og giltu fyrir þingið á Selfossi 17.-18. október. Breytingar á þingfulltrúum skal tilkynna tímanlega til skrifstofu LH.

Með kveðju,

Kjörnefnd LH

 

Guðmundur Hagalínsson

Sími 825 7383

Netfang ghl@eimskip.is

 

Ása Hólmarsdóttir

Sími 663 4574

Netfang asaholm@gmail.com

 

Margeir Þorgeirsson

Sími 892 2736

Netfang vodlarhestar@gmail.com

20.10.2014 22:44

Af landsþingi LH

Landsþing LH var haldið á Selfossi 16. og 17. október. Rúmlega 50 tillögur lágu fyrir þinginu og hafa sjaldan eða aldrei verið fleiri. Fjölluðu þær um hin aðskiljanlegustu atriði er varðar keppni, mótahald og félagskerfi hestamennskunnar. Sú tillaga sem mesta athygli fékk var tillaga sem fram kom á þinginu um að stjórn væri falið að ganga til samningaviðræðna við Gullhyl um landsmót í Skagafirði 2016 og ljúka þeim ef hægt væri, en Skagfirðingum hafði verið tilkynnt það tveimur dögum fyrir þing að hætt væri við samningaviðræður og mótið 2016 yrði haldið í Kópavogi. Varð samþykkt þessarar tillögu til þess að formaður LH sagði af sér og stjórnin öll í kjölfarið. Var þinginu slitið þegar hér var komið án þess að gengið væri til kosninga  þar sem allir þeir sem í kjöri voru til stjórnar drógu framboð sín til baka. Eins var ekki búið að ákveða staðsetningu Íslandsmóta en Skuggi er umsækjandi um Íslandsmót yngri flokka árið 2016. 
Framhaldsþing var boðað 8. nóvember og á þá að klára .þingstörfin og kjósa nýja stjórn. Til að undirbúa það hefur verið boðaður formannafundur næsta laugardag. Er vonandi að vel takist til í framhaldinu og þannig verði gengið frá málum að þokkalegur friður ríki um málefni hestamennskunnar. 
Þegar búið verður að ganga frá þinggerð landsþingsins verður hún birt hérna lesendum til upplýsingar og fróðleiks. 
 

20.10.2014 22:40

Reglugerð um aðbúnað hrossa

Nýkomin er út reglugerð um aðbúnað hrossa. Er þar tekið á ýmsum atriðum er tengjast velferð hrossa. Reglugerðina má nálgast hérna á síðunni og eru hestamenn hvattir til að kynna sér hana vel. 

20.10.2014 13:09

Sýnikennsla í heitjárningum

Miðvikudaginn næsta, 22. október ætlar Íslandsmeistarinn í járningum, Gunnar Halldórsson í samstarfi við hestamannafélagið Grana að halda sýnikennslu í heitjárningum á Mið-fossum í Borgarfirði. Gunnar ætlar að leyfa áhorfendum að líta aðeins inní heim heitjárninga.

Þetta er kjörið tækifæri fyrir hinn almenna hestamann til að öðlast meiri skilning á bæði heitjárningum og járningum almennt.

Sýnikennslan hefst kl 20:00

Kostar 500kr inn

Sjoppa á staðnum

Bestu kveðjur, Grani

02.10.2014 11:59

Sýnikennsla á MIð-Fossum

Þjálfun í byrjun vetrar

Hestamannafélagið Grani í samstarfi við Sigvalda Lárus Guðmundsson reiðkennara, ætla að hafa sýnikennslu á Mið-Fossum í Borgarfirði
miðvikudaginn 8. október næstkomandi.
Farið verður yfir þá þætti sem helst ber að hafa í huga þegar taka á hross inn snemma vetrar og hefja þjálfun. Sigvaldi er þekktur þjálfari, sýnandi og reiðkennari frá Hólaskóla og verður því spennandi að sjá hans nálgun á þessum málum.

Sýnikennslan hefst kl 20:00

Það kostar litlar 500kr inn

Sjoppa á staðnum (seldar pizzur í hléi) 

Kveðja, Hestamannafélagið Grani

  • 1
Flettingar í dag: 60
Gestir í dag: 25
Flettingar í gær: 212
Gestir í gær: 50
Samtals flettingar: 1407129
Samtals gestir: 172934
Tölur uppfærðar: 14.12.2017 02:25:22

Auglýsingar

Umsjón heimasíðu

Nafn:

Kristján Gíslason
clockhere

Tenglar

Flettingar í dag: 60
Gestir í dag: 25
Flettingar í gær: 212
Gestir í gær: 50
Samtals flettingar: 1407129
Samtals gestir: 172934
Tölur uppfærðar: 14.12.2017 02:25:22