Hestamannafélagið Skuggi

Velkomin á heimasíðu hestamannafélagsins Skugga.

Færslur: 2014 Desember

29.12.2014 11:05

Uppskeruhátíð hestamanna

UPPSKERUHÁTÍÐ HESTAMANNA - MIÐASÖLU LÝKUR 6. JANÚAR!
Uppskeruhátíð hestamanna verður haldin á Gullhömrum í Grafarholti 10. janúar næstkomandi. Gullhamrar er einn glæsilegasti veitinga- og veislustaður á landinu í dag og ætti því enginn að láta sig vanta á þessa frábæru hátíð okkar. Dagskráin verður með sama móti og venjulega. Verðlaunaafhendingin verður á sínum stað, dýrindis þriggja rétta máltíð og að sjálfsögðu dönsum við saman langt fram eftir nóttu eins og okkur hestamönnum er einum lagið.
 
Viðburðinn er hægt að finna á facebook:https://www.facebook.com/events/395865530579934/

Hinn þjóðþekkti sjónvarpsmaður Gísli Einarsson verður veislustjóri og svo mun hljómsveitin Rokk halda uppi fjörinu en í henni eru þeir:


Hreimur Örn - gítar og söngur

Pálmi Sigurhjartarson - píanó og söngur

Benedikt Brynleifsson - trommur

Róbert Þórhallsson - bassi

Vignir Snær - gítar og söngur

Þriggja réttar máltíðin verður með glæsilegu móti:

Forréttur - Austurlensk sjávarréttasúpa með karrí og kókos

Aðalréttur - Lambahryggvöðvi með kartöfluköku, steiktum skógarsveppum og lambasoðsósu

Ábætisréttur - Suðrænn kókosdraumur með berjablöndu og crumble.


Ekki láta þig vanta á eina glæsilegustu uppskeruhátíð til þessa!

Fyrstir koma fyrstir fá!

Miðasalan fer fram á
gullhamrar@gullhamrar.is eða í síma 517-9090

Miða og borðapantanir verða til kl. 18, þriðjudaginn 6. janúar.


Miðar verða afhentir miðvikudaginn 7. janúar í Gullhömrum.

Verð: 9600 kr.

Selt inn á dansleik frá 23.30. Verð 2.500 krónur

Gestir þurfa að senda kvittun á
gullhamrar@gullhamrar.is og þá verður tekið frá borð á þeirra nafni.

Borðaröðun fer fram þegar miðasölu lýkur!

24.12.2014 00:40

Jólakveðja

Hestamannafélagið Skuggi sendir félagsmönnum sínum öllum svo og öðrum landsmönnum hugheilar jóla - og áramótakveðjur og ósk um farsælt komandi ár um leið og þakkað er fyrir samstarf og samvinnu liðinna ára. 
Félagið vill jafnframt minna hestamenn á að huga að velferð hesta nú um hátíðirnar.  

23.12.2014 00:10

Stjórn og nefndir 2015

Á aðalfundinum núna í desember þá var kosið í stjórn og nefndir félagsins líkt og gert er á hverju ári. Hér er hægt að skoða hverjir voru kjörnir til ábyrgðarstarfa fyrir félagið næsta ár. Hins vegar er það nú svo að allir áhugasamir eru hvattir til að vinna félaginu það sem þeir geta. Þessi skrá ásamt fundargerð aðalfundar verða svo aðgengileg undir "fundargerðir og skjöl" fljótlega. 

22.12.2014 10:18

Borgargirðing - smölun

Orðsending til þeirra sem eru með hross í haustbeit hjá Skugga - frá Beitarnefnd Skugga!

Smölun á Borgargirðingunni fer fram laugardaginn 27. desember n.k. og hefst smölun kl. 11:00.
Allir þeir sem eiga hesta í Borgargirðingunni eru vinsamlegast beðnir um að mæta stundvíslega við hliðið og taka þátt í smöluninni.

Þeir sem eiga hross í haustbeit á vegum Skugga, annarsstaðar en í Borgargirðingunni, skulu hafa samband við Ólaf Þorgeirsson, form. beitarnefndar (sími: 899-6179), vegnar losunar úr þeim beitarhólfum.

P.s.  Þar sem tíðarfar hefur verið mjög erfitt fyrir hross á undanförnum dögum og vikum er hesteigendum bent á að nauðsynlegt er að fylgjast vel með hrossum í haustbeit - og útigangi almennt.  Eigendur þurfa að fullvissa sig um að hrossin séu vel haldin og hafi aðgang að einhverri beit eða heyfeng.  Heyrst hefur að töluvert beri á því nú að hrossin séu að fá "hnjúska" og þarf því hver og einn að fylgjast vel velferð sinna hrossa!

Að lokum:
Nú gengur jólahátíðin senn í garð og því vil ég nota tækifærið og óska öllum félagsmönnum og fjölskyldum þeirra gleðilegrar jólahátíðar og gæfuríks komandi árs.


Bestu jólakveðjur,
f.h. Beitarnefndar Hmf. Skugga /...óþ
Stefán Logi Haraldsson

12.12.2014 00:51

Lausaganga hunda

Ágætu Skugga-félagar,

Að gefnu tilefni er bent á að samkvæmt "samþykkt um hesthús og umgengni í hesthúsahverfi í Borgarbyggð", sem samþykkt var af sveitastjórn Borgarbyggðar og undirrituð af Umhverfisráðherra 23. okt. 2012 - er lausaganga hunda bönnuð í hesthúsahverfinu.  Þar segir í 6.gr. "Hundar skulu ekki vera lausir í hesthúsahverfinu og nágrenni sbr. samþykkt um hunda- og kattahald í Borgarbyggð nr. 107/2008 og auglýsingu nr. 480/2006 um fólkvang í Einkunnum, Borgarbyggð".

Töluverð brögð hafa verið á því að þetta bann sé ekki virt og berast undirrituðum oft kvartanir þar um, frá félögum í Skugga og öðrum sem þarna eiga leið um!  
Eigi félagar í Skugga þátt í því að þessi samþykkt sé ekki virt og láti það viðgangast að hundar þeirra gangi lausir, þá er það mjög slæmt mál og getur bara endað með því að gripið verði til róttækra aðgerða!
Okkur ber að virða þær samþykktir sem gilda um þetta svæði okkar, skilyrðislaust!

Nú fer að líða að þeim tíma að líf fari að færast í hesthúsahverfið okkar við Vindás - og skora ég því á alla félaga sem eiga hunda og eru með þá með sér í hesthúsunum (sem ekki er bannað) að sjá til þess að hundarnir gangi alls ekki lausir um hverfið!!!

Bestu kveðjur,
Stefán Logi Haraldsson
Form. Hmf. Skugga
 

06.12.2014 23:05

Áminning - forðagæsla

Frestur til að skila inn forðagæsluskýrslu til Matvælastofnunar rann út fyrir viku síðan. Allir búfjáreigendur skulu fylla út þar til gerða forðagæsluskýrslu og senda til Matvælastofnunar. Á forðagæsluskýrslu kemur fram bústofn hvers og eins ásamt upplýsingum um heyforða og landstærðir.

Allir búfjáreigendur sem Matvælastofnun er með skrá yfir og hafa áður skilað forðagæsluskýrslu fengu bréf frá stofnuninni fyrr í haust og voru beðnir um að skila inn lögboðnum upplýsingum fyrir 20. nóvember sl. Ennþá er þó hægt að skila inn skýrslu. Það er hægt með því að fylla út rafræna forðagæsluskýrslu í Bústofni (www.bustofn.is) eða hafa samband við Ráðgjafarmiðstöð landbúnaðarins sem aðstoðar bændur við að skila inn skýrslu með rafrænum hætti gegn gjaldi. Þeir sem ekki fengu bréf en eru eigendur að hrossum eða öðru búfé skal bent á að hafa samband við Matvælastofnun eða dýraeftirlitsmann til að tryggja að unnt sé að skrá skýrslu með rafrænum hætti í Bústofn.
  • 1
Flettingar í dag: 60
Gestir í dag: 25
Flettingar í gær: 212
Gestir í gær: 50
Samtals flettingar: 1407129
Samtals gestir: 172934
Tölur uppfærðar: 14.12.2017 02:25:22

Auglýsingar

Umsjón heimasíðu

Nafn:

Kristján Gíslason
clockhere

Tenglar

Flettingar í dag: 60
Gestir í dag: 25
Flettingar í gær: 212
Gestir í gær: 50
Samtals flettingar: 1407129
Samtals gestir: 172934
Tölur uppfærðar: 14.12.2017 02:25:22