Hestamannafélagið Skuggi

Velkomin á heimasíðu hestamannafélagsins Skugga.

Færslur: 2016 Mars

30.03.2016 23:09

Stóðhestaveisla 2016

Skemmtiferð á Stóðhestaveislu 2016

Ágætu Skugga félagar. Fræðslu og kynbótanefnd Skugga stendur fyrir ferð á Stóðhestaveisluna 2016 sem haldin verður laugardaginn 9. apríl nk í Samskipahöllinni í Spretti. Lagt verður af stað með rútu frá plani Menntaskólans í Borgarnesi kl 16:30.

Áætlað er að koma við á leiðinni og skoða a.m.k eitt hrossaræktarbú.

Þátttökugjald er 6500 kr. ( 4500 kr miði á veisluna, bókin fylgir með. 2000 kr í rútuna), greiðist í rútu.

Allir velkomnir - það er þó miðað við að börn og unglingar 16 ára og yngri, séu í fylgd með foreldrum eða forráðamönnum

Skráning fer fram hjá Baldri í síma 825-8269 eða netfang baldur.petursson@marel.com og hjá Berglindi Ýr í síma 862-8582 eða netfang berglindyri@gmail.com

Skráning er til og með 4. apríl nk.

!ATH! Aðeins 40 miðar lausir, fyrstur kemur, fyrstur fær! 

24.03.2016 22:34

Rauðanesfjörur

Hin árlega ferð á Rauðanesfjöru verður farin á föstudaginn langa.

Lagt verður af stað kl. 11:30 (háfjara er um kl. 14) 

Fólk  er vinsamlegast beðið um að stilla hestafjölda í hóf.

Takið með ykkur góða skapið.

Allir velkomnir.

 p.s. Súpa og gleðskapur í Félagsheimilinu á eftir!

 

Ferðanefnd Skugga 

22.03.2016 22:17

Framhaldsskólamótið

Nemendur Menntaskóla Borgarfjarðar tóku þátt í framhaldsskólamótinu í hestaíþróttum sem haldið var laugardaginn 19. mars. Fyrir hönd skólans voru í liðinu Skuggafélagarnir Þorgeir Ólafsson, Gyða Helgadóttir og Guðný Margrét Siguroddsdóttir (aukafélagi). Var árangur þeirra með miklum ágætum og urðu í 2. sæti, tveimur stigum á eftir sigurliðinu FSu. 
Hér má sjá niðurstöður allra greinanna (af vef Hestafrétta). 


21.03.2016 23:09

Lok KB mótaraðar

Síðasta mótið í KB mótaröðinni var haldið í Faxaborg laugardaginn 19. mars s.l. Keppt var í fimmgangi í ungmenna - 1. og opnum flokki og í tölti T3 í barna - unglinga - og 2. flokki. Skráningar voru 75. Mótið hófst kl. 10 og var lokið rétt fyrir kl. 16:30. Um kvöldið var síðan n.k. uppskeruhátíð í félaggsheimilinu og voru þar afhent verðlaun fyrir einstaklingskeppnina í öllum flokkum og síðan fyrir stigahæsta liðið. Óhætt er ða segja að mótin öll hafi gengið vel fyrir sig og óhappalaust. Gott veður var alla keppnisdagana. Hérna er svo að finna niðurstöður úr fimmgangs- og töltkeppninni sem og úrslitin og eins heildarskrá yfir einstaklingskeppnina. Á myndinni sjáum við liðsstjórana taka við verðlaunum sínun, Reynir tók við verðlaunum fyrir Brimhesta sem voru í 5. sæti. 

Liðakeppnin fór þannig:
1. sæti LIT liðið 143,88
2. sæti Lífland 136,43
3. sæti Berserkir 121,31
4. sæti Sólargeislar 107,9
5. sæti Brimhestar. 78,88


19.03.2016 00:10

Gluggar og gler deildin

Skuggafélagar koma víða við og láta að sér kveða. Þrír félagar eru liðsmenn Garðatorg eignamiðlun & ALP/GÁKsem tekur þátt í Gluggar og gler deildinni sem fram fer í Sprettshöllinni. Liðið hefur tvívegis orðið stigahæsta liðið, í 5 gangi og tölti T2. Er liðið sem stendur í fjórða sæti af 15 liðum. Tölt T3 er eftir og spennan í hámarki en félagi Ámundi Sigurðsson er meðal stigahæstu knapa. Auk hans eru Skuggafélagarnir Anna Berg og Stefán Hrafnkelsson liðsmenn. 




18.03.2016 23:44

KB - fimmgangur og tölt

Þá er ráslisti fyrir síðasta mót KB mótaraðar tilbúinn - hann er einnig að finna á fb síðu KB mótaraðarinnar. Eins er hérna tímaseðill mótsins. Mótið hefst kl. 10 á forkeppni í tölti T3 og verður byrjað á barnaflokki. 

05.03.2016 23:33

KB mótaröð - Tölt og skeið

Þá er lokið öðru mótinu í KB mótaröðinni hér í Faxaborg. Þátttaka var allgóð, 77 skráningar, sem er nokkru minna en í fyrra. Mótið byrjaði kl. 10 stundvíslega og því lauk skv. tímaseðli rúmlega 16. Margar góðar sýningar sáust og var mótið í heildina litið sterkt. Gaman er að sjá hversu börnin og unglingarnir eru vel ríðandi, sést vel árangur markviss unglingastarfs sem unnið hefur verið hjá félögunum. En hér má skoða niðurstöður forkeppni og svo úrslitin. Eins niðurstöður "skeið í gegn". Á myndunum sem fylgja eru verðlaunahafar í unglingaflokki og opnum flokki. 




  • 1
Flettingar í dag: 565
Gestir í dag: 29
Flettingar í gær: 1783
Gestir í gær: 33
Samtals flettingar: 1369424
Samtals gestir: 170446
Tölur uppfærðar: 21.10.2017 02:46:10

Auglýsingar

Umsjón heimasíðu

Nafn:

Kristján Gíslason
clockhere

Tenglar

Flettingar í dag: 565
Gestir í dag: 29
Flettingar í gær: 1783
Gestir í gær: 33
Samtals flettingar: 1369424
Samtals gestir: 170446
Tölur uppfærðar: 21.10.2017 02:46:10