Hestamannafélagið Borgfirðingur

Velkomin á heimasíðu hestamannafélagsins Borgfirðings.

Færslur: 2017 Nóvember

30.11.2017 23:52

Sameining Faxa og Skugga

Aðalfundur hmf. Skugga var haldinn 30.11. Var hann fjölsóttur, Þar var tillaga vinnuhóps um sameiningu Faxa og Skugga á dagskrá ásamt fleirum liðum sem tilheyra aðalfundi. Formaður flutti skýrslu stjórnar og reikningar voru kynntir og bornir upp til samþykktar. Mána Hilmarssyni var veitt viðurkenning fyrir frábæran árangur sinn á árinu. Var það mynd máluð af Jósefínu Morell á Giljum, Ennfremur gerðu nefndir grein fyrir starfi sínu. Þá var tillagan um sameininguna kynnt og tekin til afgreiðslu sem var skrifleg. Engar umræður urðu um tillöguna. 64 greiddu atkvæði og fór atkvæðagreiðslan þannig - 52 sögðu já, nei sögðu 10 og auðir seðlar voru 2. Að niðurstöðu fenginni var aðalfundi frestað þar til síðar. Nú tekur við vinna við sameininguna í takt við niðurstöður vinnuhópsins en þær er að finna í greinargerð sem fylgdi tillögunni, sjá neðar.

 



23.11.2017 14:47

Aðalfundarboð

Aðalfundur Hestamannafélagsins Skugga, fyrir starfsárið okt. 2016 - sept. 2017 , verður haldinn fimmtudaginn 30. nóvember 2017, kl. 20:30, í Félagsheimilinu við Vindás.

 Dagskrá (skv. 6.gr. laga félagsins):

1.     Fundsetning og kjör starfsmanna fundarins

2.     Skýrsla stjórnar - (Umræða um skýrslu stjórnar)

3.     Gjaldkeri leggur fram reikninga félagsins til samþykktar, skoðaða og áritaða af      skoðunarmönnum félagsins - (Umræða um reikninga félagsins)

4.     Skýrslur nefnda - (Umræða um skýrslur nefnda)

5.     Kynning á inngöngu nýrra fé­laga og úrsögnum félagsmanna

-          Tillaga um sameiningu Skugga og Faxa

6.     Laga­breytingar

7.     Kosning stjórnar, varastjórnar, skoðunarmanna, nefnda og fulltrúa á L.H. og  U.M.S.B. þing.

8.     Fé­lags- og haga­gjöld

9.     Önnur mál.

10. Fundi slitið

 

Fyrir dagskrárlið nr. 6; Lagabreytingar, verður borin fram, af stjórn félagsins, tillaga um sameiningu Skugga og Faxa, sem fylgir með fundarboði þessu:

"Sameiningarnefnd Skugga leggur til við aðalfund félagsins að samþykkt verði að sameina hestamannafélögin Skugga og Faxa á eftirfarandi forsendum, tölusettum nr. 1.-6.."

 

Eftir kosningu um sameiningu verður aðalfundi frestað og dagskrárliðir 6.-10. afgreiddir á framhaldsaðalfundi, sem boðaður verður með 7 daga fyrirvara, skv. lögum félagsins

Kaffiveitingar í boði félagsins.

Stjórn Hmf. Skugga

15.11.2017 23:41

Kynningarfundur um sameiningu - myndir

Fundur til kynningar á tillögum sameiningarnefndar Faxa og Skugga var haldinn í kvöld, 15. nóv. í félagsheimili Skugga. 



15.11.2017 11:20

Keppnistímabilið: "Erum við á réttri leið?"

Keppnistímabilið: "Erum við á réttri leið?" Opið málþing LH og FT í Léttishöllinni á Akureyri sunnudaginn 19.nóvember kl.14:00. Dómarar, keppendur, mótshaldarar og bara allir hestaáhugamenn hvattir til að mæta https://www.facebook.com/images/emoji.php/v9/f4c/1/16/1f642.png:) Léttar veitingar í boði!

09.11.2017 22:35

Frá MAST

B Ú S T O F N
www.bustofn.is
BÚSTOFN er vefur Matvælastofnunar (MAST) til að halda utan um dýraeftirlit og forðagæslu. BÚSTOFN nýtir sér skýrsluhaldsgagnagrunna Bændasamtaka Íslands ...


 Matvælastofnun vekur athygli á að haustskýrsluskil fyrir árið 2017 standa nú yfir. Í samræmi við lög um búfjárhald nr. 38/2013 skulu umráðamenn/eigendur búfjár skila inn haustskýrslu um búfjáreign, fóður og landstærðir fyrir 20. nóvember. Skrá skal haustskýrslu á rafrænu formi í gegnum gagnagrunninn Bústofn.

Aðgangur að haustskýrslu fæst með rafrænum skilríkjum eða kennitölu og Íslykli. Nánari upplýsingar um Íslykil má nálgast hér.  

Þeir sem ekki hafa tök á því að skila sjálfir í gegnum Bústofn stendur til boða þjónusta Ráðgjafarmiðstöðvar landbúnaðarins (RML) við skil á haustskýrslu. Fyrir þá þjónustu er innheimt samkvæmt gjaldskrá RML.

09.11.2017 09:14

Sameining Faxa og Skugga - tillaga og greinaðgerð

Nú hefur nefnd sú er kjörin var að loknum síðustu aðalfundum félaganna tveggja skilað áliti sínu og er hér að finna tillögu að sameiningu og ítarlega greinargerð. Þessi tillaga ásamt greinargerðinni verður kynnt á férlagsfundi Skugga sem haldinn verður í félagsheimilinu miðvikudaginn 15. nóvember n.k. og hefst sá fundur kl. 20.  


08.11.2017 09:16

Haustfundur HrossVest

Haustfundur Hrossaræktarsambands Vesturlands
Verður haldinn 12. nóvember, kl. 14:00 í Hótel Borgarnesi
Veitt verða verðlaun fyrir efstu kynbótahrossin í hverjum flokki og Ræktunarbú Vesturlands verðlaunað.

Þá verða veitt heiðursmerki Hrossaræktarsamband Vesturlands til einstaklinga sem hafa lagt sitt af mörkum til félags- og ræktunarstarfs í þágu hestamennskunnar á Vesturlandi.
Félagar eru hvattir til að mæta og taka þátt í opnum umræðum um stefnumótun félagsins.

Stjórnin


07.11.2017 23:49

Frumtamningar námskeið á Skáney í desember.

Markmið námskeiðsins er að tryppið sé gert reiðfært,teymist á hesti og lagður góður grunnur að áframhaldandi þjálfun.

 Helgarnar . 1-3 des, 8-10 des og 15-17 des..

Kennarar: Randi Holaker og Haukur Bjarnason

Verklegt: Föstudagur 1 kennslustund, laugardagur 2 kennslustudir og sunnudagur 2 kennslustundir

Námskeiðið samanstendur af:

Bóklegt x 3 skipti

Sýnikennsla x 3 skipti

Verklegar kennslustundir x 15 skipti

Innifalið í námskeiði er: kennsla, aðstaða, hesthúspláss og hey, matur/kaffi    laugardag og sunnudaga.

Verð: 65.000 þúsund

 Hægt verður að leiga sér pláss á staðnum fyrir tryppið á milli helga gegn vægu verði. Upplagt að nýta sér aðsöðunna til þjálfunar og tamninga á milli námskeiðshelga.

Hægt verður að leigja sér gistingu á staðnum yfir helgarnar.

Áhugasamir hafi samband sem fyrst randi@skaney.is sími 8445546/8946343
  • 1
Flettingar í dag: 185
Gestir í dag: 70
Flettingar í gær: 196
Gestir í gær: 70
Samtals flettingar: 1668588
Samtals gestir: 190476
Tölur uppfærðar: 20.8.2018 14:45:46

Auglýsingar

Umsjón heimasíðu

Nafn:

Kristján Gíslason
clockhere

Tenglar

Flettingar í dag: 185
Gestir í dag: 70
Flettingar í gær: 196
Gestir í gær: 70
Samtals flettingar: 1668588
Samtals gestir: 190476
Tölur uppfærðar: 20.8.2018 14:45:46